"شكرا يا فندم".. صاحب تريند "انتش وأجري" يغلق الخط فى وجه إدوارد
تعرض الفنان إدوارد والإعلامية نانسي مجدى لموقف محرج بعد أن قام صاحب تريند " انتش وأجري" بغلق الخط فى وجههم بعد سؤال الأخيرة له سؤال محرج.
حيث قال هيثم أحمد أنه سعيد بالنجاح موضحا: "أول إحساس عندي إني قدرت أسعد المصريين ولو بحركة ولو بكلمة".
وتابع: "أينعم لفظ وهزار وشغل تيك توك، بس الحمدلله إني قدرت أسعد كل المصريين، اللي يهمني في العرب مصر بلدنا اللي بنفتخر بها".
وقاطعته نانسي مجدي لتسأله: "أنت جبت سيرة مصر عشان تقول أنت بتسعد المصريين، هو اللي قلبه على بلده زي ما أنت بتتكلم كده، أنت تسعد المصريين بأي كلام حتى لو غلط؟ بتقول أينعم حركات وشغل تيك توك؟ يعني أيه؟ هي حاجة هينة أن الأطفال يتفرجوا على حركات وشغل تيك توك، ما هو ده اللي جايبنا لورا".
رفض هيثم أحمد الرد على انتقادات نانسي مجدي، وقال: "شكرا يا فندم" قبل أن يغلق الخط، وسط دهشة إدوارد، فيما واصلت نانسي انتقاده قائلة: "بيسعد المصريين بتفاهة؟ زي ما أنت قلت بيعمل حركات بأنفه هو ده اللي بيسعد المصريين؟ لا اللي يسعدنا إن إحنا نشوف واحد زي زويل، عظماء في الطب، اللي بيروحوا الفضاء، ده اللي فعلا بيخلينا مبسوطين كمصريين، الإنجازات الحقيقية مش شغل تيك توك".
