سهير جودة: تشيد بـ مو صلاح وتتعاطف مع بيكيه بعد اعتزاله
أشادت الإعلامية سهير جودة، بمستوى اللاعب المصري محمد صلاح، في اخر مبارياته مع فريق ليفربول الإنجليزي، ونجح في تسجيل هدفين، قائلة: "صلاح بيعمل حالة من السعادة للمصريين، وكلنا بنحس ببطولاته وإنجازاته وبنفرح بيها".
وقالت سهير في برنامجها الذي يحمل اسم "الستات"،والذي تقدمه بصحبة الإعلامية مفيدة شيحة "بيكيه احنا اتكلمنا قبل كده وان الستات مبسوطة عشان هو اعتزل كرة القدم، بسبب رفضة لإرتداء تيشيرت برشلونة وهو مدون عليه أول حرف من اسم شاكيرا بعد انفصالهما مؤخرا بسبب خيانته لها، وكان في رد فعل كبير من الرجالة موتعاطف مع بيكيه لأن هو طلع ذكي، لما ظهر في الملعب وهو بيعيط وبيعلن اعتزاله، وانا شخصيا لما شوفت الفيديو بتاعه اتأثرت".
وأضافت سهير: "لحظة قاسية جدا ان انت بتقرر تسيب اكتر شئ انت بتحبه ، وكرة القدم بالنسبة لناس كتير رقم واحد، كنجوم في الملعب او حتى جمهور، وفي نوعية مشجعين انا بتعاطف معاهم سواء اهلاوية او زملكاوية او بيشجعوا اندية اخرى ، انا بحس انهم صعبانين عليا، واغلب المشجعين بيتفرجوا على الكورة لارتباطهم بفترة الطفولة لأنها كانت حلم بالنسبالهم انهم يطلعوا لاعيبة كورة".
