مواطن يحذر من توكيل لهواتف شاومي فى مصر: يسرق بيانات العملاء

حذر مواطن من التعامل مع توكيل هواتف شاومي فى مصر ، موضحا أنه يقوم بسرقة بيانات العملاء ، وفقا لما سرده.

وقال المواطن فى تحذيره ،" دا بوست للتحذير من التعامل مع شركة شاومي ..كان الموبايل بتاعي حصل في كسر في الضهر سلمت الموبايل في توكيل شاومي اللي موجود في العتبة ( 22 شارع عبدالعزيز ) يوم 16 أكتوبر , المهم ... انا كنت فاتح أبلكيشن من الأبلكيشنز الخاصة بالسوشيال علي موبايل تاني و كنت بستخدمه طبيعي و في نفس الوقت و أنا فاتح الأبلكيشن لاحظت إن في أكتر من شات جديد بيظهر خاص بشخص ما ( اكتشفنت بعدين إنه نفس الشخص اللي إستلم من والدي الموبايل ) هو اللي فاتح الأبلكيشن و بيستخدمه في كذا حاجه ".

وتابع"لاقيت ان في مسدج مبعوته من موبايلي فيها اكتر من لينك  و في نفس الوقت لاقيت إسكرين شوت متاخدة من الموبايل بتاعي و مبعوته لنفس الشخص علي الشات اللي بين رقمي و رقمه و لاقيت فيها ال جيميل الخاص بيا و فيه أكتر من باسورد موجود في الإسكرين ..وقتها علي طول خدت كل اللي بيحصل دا إسكرين شوت و بعدها اتواصلت مع الصفحة الخاصة بالشركة اللي كان ردها في قمة الإستفزاز ان اللي بيحصل دا مش تبعهم و لا يعرفوا عنه حاجه , ف اتواصلت مع رقم الشكاوي علي طول و بلغت بالمشكلة , ف الأستاذة اللي ردت عليا قالتلي ان العمليات دي مش بتم من خلالهم و قالتلي انه هيتم التحقيق في الشكوي و التواصل معايا في أسرع وقت .. الكلام دا يوم 16 أكتوبر بعد ما قدمت الشكوي و طبعا كنت واخد كل حاجة إسكرين شوت و بعد ما قفلت مع موظفة الشكاوي كل حاجة وقفت و كل العمليات اللي بتحصل و إكتشفت بعدين إن الجيميل بتاعي كان بيتم إستخدامة في اكتر من أبلكيشن ".

وقال "اتفاجئت من إن الموبايل اللي كان المفروض هيتصلح خلال أسبوع انه هيتم تسليمه تاني يوم الصبح و سبحان الله الشركة اللي كانت بتقول إن العمليات دي كلها مش بتم من خلالهم ... إستلمت منهم الموبايل ممسوح من عليه عمليات السيرش من كل الأبلكيشنز من يوم 8 أكتوبر لحد يوم 17 ... و ممسوح من عليه الأبلكيشن اللي الأستاذ كان بيستخدمه .. ب أي حق يعمل كدا الله أعلم .لحد يوم 2 نوفمبر بعد ما قدمت شكوي لخدمة العملاء ,... إتواصل معايا شخص من قسم الشكاوي في الشركة و سأل عن الشكوي ف بلغته من أول و جديد كان رده بردو مستفز و قالي لما حضرتك خدت كل حاجة إسكرين و قدرت توقف كل حاجة بتحصل و مسحت كل حاجة ممكن تعرفني ايه المشكلة اللي هتحصلك و إيه الضرر اللي موجود ... موبايل عليه معلومات و صور شخصية و أكونتات شخصية منهم اللي تم إستخدامه و الباقي الله أعلم ايه اللي حصل فيه".