عمرو رمزي: الفنانين مش بيردوا عليا.. وهذا سبب فشلي في السينما
كشف الفنان عمرو رمزي عن سبب فشله في السينما وروي موقف صادم له أثناء عرض فيلم له في السينما، مشيرا إلى أن سبب هو فشل التسويق للفيلم، وذلك خلال لقائه في برنامج "نص الكلام"، الذي تقدمه الإعلامية رغدة شهلوب.
عمرو رمزي: الفنانين مش بيردوا عليا.. وهذا سبب فشلي في السينما
قال عمرو رمزي خلال البرنامج :" كنت عامل نفسي نجم ورايح أتابع الإيرادات بتاعت فيلمي وكنت واقف قدام السينما بس بعيد شوية جت ناس تتصور معايا فبقولهم عجبكوا الفيلم فقالولي فيلم إيه؟ قولتلهم الفيلم ده بتاعي اللي صورته ورايا قالولي لا إحنا بنتصور معاك علشان بنحبك وعلشان مسلسل فرقة ناجي عطا الله وحيلهم بينهم والأعمال دي وأنا بعدها صدمت".
وتحدث عمرو رمزي كاشفا عن سبب فشله في السينما، قائلا: "السبب في فشل تجربتي في السينما إن المنتجين ما أعلنوش عن الفيلم إعلان كافي أو التسويق كلها أسباب لفشل التجربة، وفي السينما لازم واحد يكون صايع وعارف مفاتيح اللعبة والغلطة اللي انا عملتها إني اخترت منتجين جداد ومخرجين جداد وأنا غلط مرتين في الموضوع ده".
واختتم حديثه قائلا: "حاولت أخوض تجربة السينما مع منتجين كبار وحاولت كذا مرة بس مش مع نفس الناس علشان أنا لما بخبط باب مرة ما برجعلوش تاني وكلمت كتير من الفنانين اللي اشتغلت معاهم مابيردوش علي ومعرفتش السبب وراء عدم ردهم عليا رغم إننا اشتغلنا مع بعض أعمال كتير ونجحت".
