سهير جودة عن ياسر جلال: قدوة بجد.. وتبرعه لصندق تحيا مصر رسالة مهمة
علّقت الإعلامية سهير جودة، على الهجوم الشديد على الفنان ياسر جلال، بعد الإعلان عن تبرعه بمبلغ مالي كبير لصندق تحيا مصر، دعما لبلده مصر في ظل الأزمة الاقتصادية التي يمر بها العالم.
وقالت سهير جودة، خلال تقديمها لبرنامج "الستات" على فضائية “النهار” مساء السبت، إن ما يحدث الآن يؤكد أن المصريين أصبحوا أعداء انفسهم.
وأضافت: "مستحيل يكون في أي تفسير تاني اننا أعداء نفسنا، احنا بنحب نعترض وخلاص، نعترض من اجل الاعتراض، ياسر جلال بجد قدوة، وهو اتبرع في هدوء، مكلمش صندوق تحيا مصر وقالهم انا هتبرع، كانت مفاجأة ليهم".
وتابعت: "إحنا طول الوقت معترضين، لكن اللي عمله ياسر جلال بعيدا عن تطرف تفكير بعض الناس، هو رسالة مهمة جدًا ودعوة لكل الفنانين المصريين، ولكل القادرين للتبرع، لأننا في مرحلة صعبة، التبرع مش فرض على حد، ده إحساس، اللي عايز يتبرع باي مبلغ يتبرع، اللي عايز يعلن براحته، ياسر مكنش عايز يعلن، لكنه اتضطر.
وأكملت: “ أنا شايفه إن ياسر جلال كان لازم يعلن تبرعه، لأن دي عدوى، عشان الناس كلها تتشجع وتتحمس، اللي قادر وعايز واللي شايف إنه ممكن يتبرع يروح يتبرع، ده مش فرض ولا إجبار على حد، إحنا هنا بننتقد الشخصيات العامة لو اتبرعوا، ولو متبرعوش بنقول هما إزاي متبرعوش وبيكنزوا فلوسهم ومش بيفكروا في حد خالص".
