"أسوأ خدمة".. مواطنون يحذرون من التعامل مع البنك العربي الافريقي الدولي
اشتكي عدد من المواطنين من سوء خدمة البنك العربي الافريقي الدولي ، وعدم مهارة ومهنية العاملين به ، على حد قولهم.
وقال صاحب مشكلة مع البنك العربي الافريقي الدولي ،" عندي تجربة سيئة مع البنك العربي الافريقي الدولي, انا عميل عندهم من 2019 عمري ما رحت البنك ده عشان اعمل اي حاجة غير السحب والايداع (اي حاجة متعلقة بخدمة العملاء) وكانوا متعاونين دايما خدمة سيئة وموظفين مش عايزين يشتغلوا وتحس انك في مصلحة حكومية روتينية.التجارب دي على مدار سنين ومع كذا موظف و كذا فرع مش صدفة مثلا, حتى خدمة العملاء بتاعتهم حرفيا ميقدروش يعملولك اي حاجة غير انهم يقولولك معلش ولازم تروح الفرع.
"أسوأ خدمة".. مواطنون يحذرون من التعامل مع البنك العربي الافريقي الدولي
ده غير ال online banking اللي ملهوش اي لازمة برضو غير انك تعرف حسابك فيه كام فقط و ده غير مشاكله الكتير جدا".
وتابع عن مشكلته مع البنك العربي الافريقي الدولي ،"اخر تجربة كانت اني طلبت من موظف خدمة العملاء انه يوقفلي ارسال كشف الحساب بالبريد واللي بيتخصم عليه فلوس كتير جدا من يوم ما فتحت الحساب ( مع انه عمره ما وصلني) وطبعا قالي لازم تروح الفرع ومعلش, وهيحلولك المشكلة في دقايق لكن للاسف لما روحت الفرع المعاملة كالعادة كانت سيئة الموظفة بعد ما وقفت قدامها بدات تطلب طلبات زي مدام عطيات اللي في الدور التالت في اي مصلحة حكومية صور البطاقة, املا البيانات, لا البطاقة دي جديدة غير اللي فتحت بيها الحساب وفي الاخر طلبت مني HR letter تاني! كاني هفتح الحساب من جديد مع اني عميل من فترة كبيرة وعندهم HR letter من يوم فتح الحساب ( لانه حساب دولاري). مع ان موظف خدمة العملاء اكدلي انه خلال دقايق".
وقال عن البنك العربي الافريقي الدولي ،" المهم اني مبنصحش اي حد يتعامل معاهم خصوصا لو انت معندكش وقت ومش ناوي تقضي الويك اند في البنك انت والاسرة اخيرا لو حد عنده اقتراح لبنك احسن افتح حساب فيه وبدون مهاترات في السحب بالدولار او مصروفات كبيرة ياريت يقول".
