فتاة تحذر من خدعة شركة اتصالات لسحب الباقة بعد شحنها

حذرت فتاة من شركة اتصالات وخدعتها فى سحب الباقة ، على  حد قولها بالإضافة إلى عدم وجود ردود مقنعة من خدمة عملاء الشركة.

وقالت صاحبة الواقعة مع شركة اتصالات،" انهارده شحنت و عليت الباقه بتاعتي ل حكاية 45 و المفروض ان بقي معايا 2000 وحده، بعد 9 دقايق الاقي مسچ إني استهلكت 30٪؜ و بعدت دقيقتين استهلكت 50٪؜ و بعد دقيقه 70% كل ده و أنا اصلا سايبه الموبايل جمبي و شغاله مستعملتش الموبايل، اتصلت ب خدمة العملاء حكيت اللي حصل معايا ترد البنت تقولي واضح قدامي إن ده استهلاكك، قولتلها اني مستعملتش الموبايل اصلا و الموبايل أنا قافله انه يعمل أبديت من الداتا و زيادة تأكيد دخلت بصيت لقيت إني فعلا قافله كل حاجة".

وتابعت السيدة عن شركة اتصالات ،" برضو مصممه ان ده استهلاكي و بتقولي انا مش هقدر أعملك حاجة، طب يا ستي اعمليلي شكوي علشان اقدمها ل 155 تقولي هعمل لحضرتك شكوي ب ايه دي مش مشكلة من الشركة ولا غلطة في خطك علشان ابعتها للقسم المختص و عموما حاضر هبعت لحضرتك رقم الشكوي في مسچ، و بعتتهالي و قفلت معاها علشان مستفدتش منها ب أي حاجة، دي مش اول مرة تحصل معايا المشكله دي و الباقه يتسحب منها الوحدات من غير أي استخدام، ف مش فاعمه المفروض اعمل ايه يعني في الفلوس اللي بتترمي علي الارض دي و حتي مفيش ردود مفيدة من بتوع خدمة العملاء ".