الغسالة بتكهرب وهي لسه جديدة.. سيدة تحذر من شركة وايت بوينت العبد

حذرت سيدة من شراء غسالات شركة وايت بوينت العبد ، مستعرضه تجربتها، قائلة،"السلام عليكم انا بحذركم جميعا من التعامل مع شركه وايت بوينت العبد وشاري غساله فوق اتوماتيك من سنه وشهرين ومن شهر تقريبا بنستخدمها اتكهربنا بتكهرب جامد اتصلنا بالصيانه جموالى الان دي الزياره رقم 10 اللي يبعتو لنا حد يجي يحاول يحل المشكله وما فيش اي حاجه بتتحل واحد يقول لي غير اتجاه الفيشه .. وانت بتحطها في الكهرباء واحد يقول لي غير نوع المسحوق هو اللي بيسبب الكهرباء".

وتابعت،" واحد يقول لي اللمبه الداخليه هي اللي بتكهرب ياخدو اللمبه ويرجعوا ثلاث اربع مرات مش عارفين يركبوها  واخر مره جم يركبوهاكانت بايظه مبتنورش و مؤخرا كثر الفتح  والتصليح حرفيا شقلبو الغساله شقلبه والى يكسر منها جزء داخلي  والى يوقع مسمار جواهاوالى مش بيقفلها  صح ومش عارفين يتعاملوا معاها".

وقالت،"الغسالة باظت بتعمل صوت رهيب ساعه الغسل بتمشي بتكركر حالتها بقت سيئه جدا واخر مندوب بعتوه قال انا شايف ان الغسالهصوتها كويس وان هي ادائها كويس وان المشكله في اللمبه واحنا هنحاول نتعامل مع اللمبه وكل مرة يقول كده تمام نتكهرب  كلنا ويقول دىكهربا طبيعي اي جهاز ممكن يكهرب من الارضي عادي  .. مستنين حد يموت متكهرب غالبا... انا بحذركم لان الغساله سعرها حاليا عدى16 الف جنيه والصيانه بتاعتها ما عندهمش ريحة الضمير ولا المهنيه ومبيعرفوش يتعاملوا مع المشاكل لو حد يعرف يوجهنا لطريق ناخذ بيهحقنا  يكن مشكورة".