محمد عبد العظيم: "بخاف من الستات واتصدمت في اول قصة حب"
الثلاثاء 18/يوليو/2023 - 12:05 ص
قال الفنان محمد عبدالعظيم، إن صدمته فى أول قصة حب فى حياته، دفعته للخوف من السيدات، مشيرا: "اتجرحت اوي في التجربة لما كان عندي 24 سنة ومن وقتها وانا بخاف".
وأضاف «عبدالعظيم» خلال حواره مع الاعلامية سهير جودة في برنامج «الستات» عبر قناة «النهار»، قائلا: «بقيت بخاف من الستات بسبب تجربة في أول حياتي، كانت قصة حب عنيفة أوي، لكن ضحت بيا عشان عريس جاي من الخليج معاه فلوس».
وتابع: «أهم حاجة في الست إنها تكون أصيلة، لو مش أصيلة يبقى بلاش، لازم يكون في شعور بالامتنان للحاجات اللي بقدمها».
وأشار «عبدالعظيم» إلى أنه بدأ عمله في المسرح «فني ديكور»، موضحًا أن هذا العمل أكسبه العديد من الخبرات في كل ما يتعلق بالمسرح «وكأنه كان تأهيل لما هو قادم».
