نائب التنسيقية يطالب الحكومة بتوضيح أسباب ظاهرة انقطاع الكهرباء في المحافظات
طالب محمد عبد العزيز، عضو مجلس النواب عن تنسيقية شباب الأحزاب والسياسيين، مجلس الوزراء بتوضيح أسباب ظاهرة انقطاع الكهرباء المتكرر في معظم المحافظات خلال الفترة الأخيرة، بجانب ظاهرة اختفاء السجائر الشعبية من المتاجر والأكشاك.
نائب التنسيقية يطالب الحكومة بتوضيح أسباب ظاهرة انقطاع الكهرباء في المحافظات
وكتب النائب محمد عبد العزيز عبر صفحته الرسمية بموقع "فيس بوك"، بشوف المركز الاعلامي بمجلس الوزراء بيتصدى للشائعات ويرد عليها وده مجهود يقدر طبعا ويحترم ومهم إن تبقى في جهة مهتمة تتواصل مع الرأي العام وتوضح الحقيقة لكن في ملاحظة رئيسية إن كتير جدا من الشائعات اللي بيتصدى لها المركز بنكون أول مرة نسمعها من خلال رد المركز عليها!! .. وكإننا بننشر الشائعة اللي مش منتشرة أصلا عشان نرد عليها!.. في الوقت اللي بتكون في قضايا قالبة الرأي العام ومحتاجين فيها كلمة فصل من جهة رسمية وفي 100 شائعة حول الموضوع المثار ده ولا بيكون أي رد فعل من المركز أو غيره من الجهات وده شيء غريب جدا .. على سبيل المثال في الكام يوم اللي فاتوا زي ظاهرة انقطاع الكهرباء المتكرر في معظم المحافظات تقريبا دون أي توضيح رسمي في إيه!!، كذلك ظاهرة اختفاء السجائر الشعبية كليوباترا من كل مكان وبيعها بسعر ضعف السعر المدون على العلبة نتيجة لنقص المعروض !!وغيره الكثير وبنتفاجئ بالمركز بيرد على شائعة محدش سمع عنها أصلا تقريياً".
