حجزوا فلوسي وقفلوا الحساب مع نفسهم".. مواطن يحذر من خدمة أورانج كاش
حذر مواطن من التعامل مع خدمة أورانج كاش بعد أن وضع مبلغ فيه ثم فوجئ بغلق الحساب دون علمه مع وجود مشكلات فى إعادته.
وقال صاحب المشكلة،" محدش يعتمد على اورانج كاش يا جماعه ، لسه عامل محفظه من حوالي شهر ببطاقه جديده وخط وعقد جديد معمول في احد فروع اورانج في محطه مترو رمسيس، وبعد ما حطيت مبلغ محترم في المحفظه علشان احول منها مدفوعاتي توفيرا للوقت ، اجي ادخل المحفظه علشان احول الاقي المحفظه مقفوله اصلا اتصل بخدمه العملاء بيقولوا لي روح الفرع اروح الفرع يقول لي لا اروح فرع ثاني رئيسي احنا فرع فرعي نروح الفرع الرئيسي يقول لك اعمل لك عقد جديد علشان الموظف الي عملك العقد في الاول ممكن يكون عمل حاجة غلط ".
وتابع "استنى بقي 10 ايام عمل علشان المحفظه تتفتح تاني، يعني انا عامل محفظه علشان اوفر وقت هنلف كعب داير على فروع اورنج، طب الفلوس اللي انا حطيتها في المحفظه يا جماعه محتاجها علشان ادفع بيها مدفوعات لا استنى بقى لما المحفظه تتفتح وابقى خدها ، واخبط دماغك في الحيط يافندم مش مهم تتعطل مع ان المشكلة مش من عندى ومطلوب مني دلوقتي اروح اتصرف في فلوس تاني علشان اسدد مدفوعاتي وفلوسيى محجوزة عندهم".
