بلاش استسهال.. خالد عليش يعلق على انفصال أحمد سعد وزوجته

علق الفنان خالد عليش على واقعة طلاق أحمد سعد وزوجته ، قائلا " انا بزعل جدا لما بعرف خبر عن اتنين بيحصل انفصال بينهم خصوصا لو عدى على علاقتهم سنين و عشرة و بينهم اطفال ..انا مؤمن جدا ان الانفصال حتمي في حالة المشاكل الكبيرة و الوصول لحائط مسدود و اما تخلص كل الحلول المتاحة و يمكن ده اللي حصل معايا في تجربة زواجي الاولى انا مكنتش عايز انفصل بس فجأة مفيش حل غير الانفصال انا طبعا معرفش رواية كل اتنين انفصلو و لا ايه الاسباب ورا ده و يمكن يكونو جربو كل الحلول و فشلو بس اللي انا شايفه ان النسبة بتزيد اوي بقى في استسهال و استغناء و الحالات كترها بقى يخوف اوي احنا مبقناش باقيين على بعض و لا قادرين نستحمل بعض لا ست و لا راجل".

وتابع فى منشور عبر صفحته الشخصية على مواقع التواصل الاجتماعى ـ" مش مرتاحة معاه هامشي مش مرتاح معاها هاجري انا بقيت كل ما اسمع خبر انفصال بزعل جدا و مش بتكلم بس على شخصيات عامة بص حواليك هتلاقي نماذج كتير لو سمحت يا جماعة نستحمل بعض .. نبقى باقيين على بعض .. مهمين في حياة بعض .. مقدرين بعض بلاش تستسهلو الانفصال الموضوع مؤذي جدا لكل الاطراف حتى لو مفيش اطفال ما بالك بقى لو في اطفال ".

وكشفت الإعلامية رضوى الشربيني، عن سبب انفصال الفنان أحمد سعد عن زوجته علياء بسيوني، بعد تصدر طلاقهما مواقع التواصل الإجتماعي المختلفة.

 رضوى الشربيني تكشف السبب الحقيقي لانفصال أحمد سعد وعلياء بسيوني:"طلع عينها"

قالت رضوى الشربيني خلال برنامجها "هى وبس": "أنا كنت شاهدة على الجوازة من الأول وهما عارفين بعض من 4 سنين، مش هقدر أحكي تفاصيل كتير عن المشكلة اللي بينهم على الأقل دلوقتي، لإن علاقتي بيهم طيبة وعاصرت معاهم مشاكل كتير وكانت بتاخد رأيي كصديقة وكنت بقولها دايمًا اديله فرصة تانية وساعات كنت بكلمه".

ووجهت رضوى الشربيني، رسالة للناس التي هاجمت علياء بسيوني بسبب ما كتبته بعد الانفصال قائلة: "علياء بتقول إنها مش صح تكتب اللي هى قالته على السوشيال ميديا عن أحمد سعد، ولكنها فعلت ذلك من غضبها كأم على ابنتها لأنها كانت متوقعة أن زوجها سيعود من السعودية ليرى ابنته التي تم كسر رجلها بسبب حادث في السعودية".

وتابعت: "علياء كانت متوقعة إنه قبل ما يروح الساحل الشمالي هييجي يشوف بنته اللي عملت حادثة مع والدتها، والدكاترة قالت إنها لازم تعمل عملية عشان ميأثرش عليها مستقبلًا وفوجئت أنهم وضعوها في الجبس فقط، وبين كل ذلك فاجئها أحمد سعد بأنه يريد أن يطلقها".

وأشارت رضوى، أن علياء معترفة بأنها كانت لا يجب أن تفعل ذلك على السوشيال ميديا، ولكن هى أم وابنتها أصيبت في حادثة وبتصرخ وعندها 40 يوم وبدل ما أبوها ييجي يشوفها نزل من السعودية إلى الساحل الشمالي، مشيرة إلى أن علياء تطاولت عليه واخطأت في طريقة التعبير عن غضبها، ولكن هى "طلع عينها"، وبتمنى يرجعوا لبعض.