طليق دنيا بطمة بعد تأييد حكم حبسها سنة:"كنت مستحمل قرفك انتى وعيلتك المفاضيح"

علق المنتج محمد الترك، طليق الفنانة دنيا بطمة، على تصريحاتها بعد أن اتهمته بأنه السبب فى كشف أسرارها وأخبارها لأعدائها، وأنه سبب رئيسي فى المؤامرة التى كانت ضدها فى قضية “حمزة مون بيبى” المتهمة بها.

علق محمد الترك، عبر موقع الفيديوهات القصيرة “تيك توك” قائلا: "إذا أكرمت اللئيم تمرد، ابكي ومثلي على الشعب المغربي ولكن تجيبي اسمي لا، أنا سكتلك بما فيه الكفاية سنتين وتقولي عني إني كنت عميل وجاسوس اللي كان يعمل كدا عيلتك وأولهم أختك.. 9 سنين مستحملك وعيلتك وكل الحاجات اللي بتخطر على بال الكفار استحملتهم، بتقولي عني ببيع أخبارك، عندك إيه أخبار عشان أبيعهم؟ انتوا اللي مفاضيح، انتي اللي بتفضحي نفسك، كنت واقف معاكي بخيرك وبشرك.. كم مرة وقعتي كم مرة عملتي مشاكل ومسكتيش والناس كرهتك وكرهتني معاكي".

وأضاف طليق دنيا بطمة: “في بيتكم كنتوا بتعيشو على لمبة واحدة عشان التوفير، ولما حد كان بيمرض مكنتوش بتجيبوا ليه دوا أنا اللي كنت بجيب، وعملت عملية جدتك لعيونها، خالك أنا اللي عامل عمليته، بناتي حارماني منهم سنة ونص اللي هما مش في بالك أصلا وخالتك اللي تربيهم، وانتي بحفلاتك وبتشوفيهم بالشهر مرة، بتمثلي ليه إنك مظلومة ومقهورة؟ مثلي بدموعك على الناس”.

تابع:" طول عمرك كدا من يوم ما عرفتك وأنا في مشاكل، وهاخد بناتي منك بالإنتربول، اللي بيصدقوا دموعك المزيفة عيلتك اللي مستوى ذكائهم 3% كنت بتكسف أقول اسمك من أفعالك، عرفتك على أمراء وشعراء وناس ليهم قيمة.. بناتي هاخدهم أربيهم مع أم متعلمة مش جاهلة تلبس النضارة وتقعد على إنستجرام بالساعات".

وإنهارت الفنانة المغربية دنيا بطمة، من البكاء بعد تعرضها لمحاولة قتل ومحاولة تصفيتها لإبعادها عن الساحة الفنية، وفي فيديو بث مباشر عبر حسابها على موقع تبادل الصوروالفيديوهات “انستجرام”.

علقت دنيا بطمة، قائلة:" أنا فرحانة جدًا ووقفتكم معايا كلكم كل المغارب وولاد بلادي.. وشكرا للدول العربية اللي معرفهمش والناس كانت بتدعيلي في الكعبة، الأزمة دي عرفتني قيمتي عندكم.. عرفتوا دنيا بطمة من الداخل.. أنا إنسانة طيبة وربنا حابب خلقه فيا بعد الأزمة دي وربنا يخلينا لبعض".

أضافت:" لا كلمة فوق كلمة القضاء المغربي اللي برئني من الحساب واتضح في الآخر أني مليش علاقة، وكل ده مؤامرة والإسكرينات مفبركة وتحريض صفحات على يوتيوب وتحريض موقع.. وناس يضربوني في بطني وأنا حامل هي مؤامرة".

تابعت دنيا بطمة حديثها:" اللي كان سند ليا كان طلع أبوه هو اللي كان بيخرج أسراري.. عشت عمري كله في مؤامرة اللي كان سند ليا سمسر فيا، والكل غدر إزاي الإنسان يخبي وشه من ربنا".

طلبت دنيا بطمة باكية من جلالة الملك محمد السادس ملك المغرب أن يأمر القضاء المغربي بالعفو عنها قائلة:"مولاي صاحب الجلالة الملك محمد السادس، نصرك الله وحفظك بما حفظ به الذكر الحكيم وأقر عينك بولي عهدك المولى الحسن وشدد الله أزرك بشقيقك الأمير مولاي رشيد وباقي الأسرة العلوية الشريفة، أنا دنيا بطمة راعية من رعاياك الأوفياء، ألتمس أن تتفضل وتشملني بعطفك وأن ترحمني وترحم بناتي وترفع عني هذا البلاء لأنني أحسست بالظلم".