هاني شاكر عن علاقته بـ"عبد الحليم حافظ": "هو قيمتي وبيتي الفني"

واستكمل "شاكر": "الحاجات دي مكنش ليا يد فيها الاعلام هوا الي كان بيكتب  عن ده".

وكشف عن أول لقاء جمعه بعبد الحليم حافظ قائلا: "كنت بغني غنوة في أحد الفنادق  في إحتفال ولاول مرة حضر الاحتفال.. وانا طلبت من حلمي بكرة ومحمد حمزة أن أقبله قبل  القيام بالغناء في الحفل".

وأضاف "شاكر" قائلًا: "اكيد الفنان عبد الحليم حافظ  زعل وقتها من الشائعات دي لان المقارنة كانت صعبة  بين حد زيي لسه طالع جديد وهرم رابع زي عبد الحليم حافظ  كاانت كبيرة".

وعن أول كلام قاله لـ"عبد الحليم حافظ" وقت لقائه به قال: "قلتله كلام من قلبي لايمكن الكلام والشائعات اللي طالعة دي أكون أنا بقوله لا أنا ولا الاستاذ الموجي إنت بالنسبة لي هرم رابع ولولاك مكنتش أعرف أن صوتي  حلو ولا كنت هعرف أغني أستحاله أققول عليك كلام مش حلو  ودمعت عيناي وقتها".

وتابع "شاكر" قائلًا: "عبد الحليم حافظ  كان ولازال هو بيتي الفنية أول مابحب أسمع مزيكا بسمعه .. وانا صغير أمي  كانت أول ماشتغل غنوة لعبد الحليم حافظ كنت بفرح لانها شعرت  بقيمته بالنسبة  لي".

وتابع مازحًا: "من وانا صغير بردد كلماته وكنت بغلط وبتلعثم فيها لدرجة أني مرة  غنيت وقلت بيع قلبك وبيع ودنك شوف الشاري مين ؟ من صغري  وانا متعلق بيه  ومن الاستحالة أكون بحاربه . ولسه بغنيله لحد دلوقتي في الاوبرا".

واوضح "شاكر" أن جيل العمالقه من شادية وفايزة أحمد وقفوا في صفه وقدموا له الدعم اللازم وقت بدايته الفنية قائلا: "كلهم وقفوا معايا  شادية  والفنانة فايزة ووردة  الله يرحمها  كانت جارتي الثلاثة وقفوا معايا  كنت دايماً عامل مشترك في حفلاتهم داخل وخارج مصر وهذا منحني قاعدة جماهيرية  في نشر الاغاني بتاعتي  وحبهم ليا  كان حب طبيعي  لاني بدات في  سن صغيرة وكان دورهم أنهم بياخدوا بإيدي ويوصولوني".

وأكد "شاكر" أن الملحن محمد الموجي كان  البداية  له  في مسيرته الفنية وكان يمثل بالنسبة لي "المدرسة الحليمية "  بالاضافة للموسيقار العظيم محمد سلطن الذي   ترك بصمة كبيره في مسيرته الفنية.

وتابع: "منير مراد ملحقتش أشتغل معاه كتير   وذات الحال بالنسبة  بليغ حمدي  غنيت معاه اغاني أفلام اكتر".