ريهام سعيد تتوعد طبيب التجميل بعد تشويه وجهها: لازم يتحاسب.. ومش هعرف أمثل بشكلي دا (صور)

كشفت الإعلامية ريهام سعيد، تفاصيل تعرضها للتشوه في وجهها بعد إجرائها عملية تجميل على يد طبيب لبناني، وذلك بعد نشر فيديو عبر حسابها الرسمي بموقع تداول الصور والفيديوهات "إنستجرام".

ريهام سعيد تتوعد طبيب التجميل بعد تشويه وجهها.. وتؤكد: لازم يتحاسب.. ومش هعرف أمثل بشكلي دا

قالت ريهام سعيد، في مقطع فيديو: " الحقيقة عمري ما طلعت لايف إنستجرام، بس أنا مصممة أن أى حد يغلط يتحاسب، واللي بيحصل ده مش حاجة حلوة أن حد مشهور يطلعها لنفسه، أكيد مش حاجة لطيفة أبدا إني أطلع مشوها".

وأشارت إلى إنها اضطرت أن تقوم بعمل "تاتو" في محاولة منها لمعالجة شكل حاجبيها، مؤكدة أنها لن تستطيع التمثيل بشكلها المشوه بهذا الوجه.

وأكد أن عينيها لا تظهر بشكل طبيعي، وأنها قامت بالعلاج منذ شهرين، وأصيبت بعدد من التلفيات وتحتاج لعمليت ة جراحية مجددا.

علقت ريهام سعيد عبر  الفيديو على موقع "إنستجرام" قائلة: "مدوب كل الفيلر اللي في وشي عشان يبين إني كنت مكرمشة، طب أنا كنت مكرمشة وأنت شوهتني، نزلت فيديو دلوقتي تبين أن الصورة اللي أنت كنت حاطتها قبل مش صورتي".

وأضافت:" طب كنت بتداري عاملتك ليه، كل ما بتنشر حاجه بتقع في شر أعمالك، شكلي ده بعد جلسات ليزر وعلاج، ونزلت الصورة ومسحتها. ليه؟ عشان الكذبة مانفعتش.. ده أنا حتى شفايفي مشدودة مش عارفة اتكلم والله حرام عليك".

تابعت "سعيد": "الدكتور بيقول أن أنا كويسة، وأن وشي كويس أنا دلوقتي طالعه لجمهور ريهام سعيد هو ده وشي، ده شكل ريهام سعيد، أكيد جرائه إني أطلع كدا وأنا بتعالج بقالي 3 شهور في لبنان عند دكتور كبير جدا، وفي سجلاته أنا شكلى أى وعاملة إزاى".

أوضحت: "حاولت أعالج حواجي وعملت تاتو عشان كانت زي الشيطان، وكمان بعالج عيني، أنتم شايفين أن ده وجه ممثلة لو أنا فكرت أمثل، أنتم شايفين أن أنا كدا مش مشوها، أنا داخله في شهرين بتعالج وهسافر تاني عشان هفضل اتعالج".

كانت الإعلامية ريهام سعيد، حذرت، جمهورها ومتابعيها، على السوشيال ميديا من طبيب شهير قام بتشويه وجهها.

ونشرت ريهام صورة عبر حسابها الرسمي بموقع التواصل الاجتماعي "إنستجرام"،  وكتبت: "يعني انت مجرم لدرجة إنك شوهتني، وعرفت إنك موت ناس قبلي و بتحط صورة لواحدة مش أن خالص و تقول انها أنا؟..  أن كنت زي القمر قبل ما أجيلك، حد عمره شاف شكلي كده". 

تابعت ريهام سعيد: "عارف انت لازم تبطل اديه للناس لازم،  أنا بحذر كل الناس من إللي اسمه نادر صعبـ  أن هاطلع لايف من غير  فلتر اوري الناس انت عملت ايه،  رايح العراق بعد ما انفضحت في لبنان تبوظ الناس هناك ؟".

تفاعل جمهور ريهام سعيد مع المنشور الذي كتبته عبر حسابها الرسمي بموقع التواصل الاجتماعي، حيث كشفت الإعلامية عن إسمه في الصورة التي تداولتها.