بعد الهجوم عليها.. ريهام سعيد تعتذر لمتابعيها: اللي غلط هيتحاسب

تعرضت الإعلامية ريهام سعيد للهجوم الشديد من بعض متابعيها علي صفحتها الرسمية "فيس بوك" وذلك بعد استضافتها لمشاهير التيك توك الذين استضافتهم مؤخرا.

وبررت ريهام سعيد استضافتها لهم بأنها لم تكن تعرف ما يحدث على التيك توك وأمر الجولات والألفاظ الخارجة.

وكتبت ريهام سعيد عبر صفحتها "أنا مكنتش بدخل على التيك توك ولا أعرف اللي بيحصل فيه أنا بعتذر لجمهوري إني استضفت ولو حتي واحد منهم عتابي للإعداد هيكون شديد، هي إيه الجولات والفيديوهات اللي على التيك توك اللي كلها ألفاظ قذرة وإيحاءات انتوا مش خايفين تتحبسوا ؟ ليه كده؟ ليه بتخلوا شكلنا كده؟ وأنتوا عشرة وإحنا 130 مليون إحنا شعب عظيم.. عيب.. عيب أوي كمان".

وجاءت بعض التعليقات على المنشور الذي كتبته ريهام مساء أمس بالهجوم عليها وانتقادها مثل" هو ازاي مذيعة مخضرمة بقالها سنين في المجال متذاكرش حلقتها وضيوفها قبل مستضيفهم ، عارفه كل حاجه علشان نسبه المشاهدات بتاعتهم بتعالي فيديوهاتك ... مش الأعداد بس ، الناس كلها متبعاهم وعندهم ملايين وانتي بتعرضي الحاجات اللي تستفز الناس والظواهر الغريبة ". 

يذكر أن ريهام سعيد استضافت سوزي الأردنية ومداهم في برنامجها، وتعرضت لحملة انتقادات كبيرة.

ومن جانب آخر علقت الإعلامية ريهام سعيد علي سبب حذفها لصورها عبر بث مباشر على صفحتها الرسمية "إنستجرام.

وقالت " ملخص أن مسحت الصور على البروفايل لأن فعلا مش قادرة أشوف صوري القديمة وبزعل على نفسي وقد أية كنت حلوة ومكنتش حاسة ولو كنت عندي شوية تجاعيد كنت اقدر اتصرف فيها".

وأضافت "طالعة بميكب كامل وعيني مفتوحة وعين مقفولة وحصلي موقف في مدرسة أبني وكانوا بيصورا فيديو وأداري وشي ومش معقول هروح الصبح ميكب كامل وأدركت ساعتها أن مشوهة ".

وتابعت أنا حزينة علي علي القسوة أن قالوا مدفعتش فلوس وأنا دافعة فلوس ، أنا بمر باكتئاب شديد ولازم لما أنزل من البيت ألبس نظارة شمس ، وشي مداري ب20 كيلو ميكب ،أنت دمرتني وأنت غيرت شكلي أنا مش ريهام انا بصحي مش عارفة نفسي .

وقالت أنا مبحبش الميكب أنا بقيت عاملة زي الشيطان كل دكتور يشوفني يقولي عاملة زي رواد الفضاء ، انا بضطر احط طبقات ميكب كتير عشان أداري وشي .

واختتمت "مش قادرة اشوف وشي الجديد حقى عند ربنا انت اتعاملت معايا بقسوة شديدة و مرحمتنيش ".