ردود أفعال السوشيال ميديا حول واقعة سحر مؤمن زكريا |صور
سادت حالة من الغضب في ردود أفعال السوشيال ميديا حول واقعة سحر مؤمن زكريا، والتي تفاجئت بتربي في أحد المقابر يفجر مفاجأة بوجود سحر أسود للاعب الأهلي والزمالك السابق، مؤمن زكريا، والذي يعاني من مرض ضمور العضلات (يصيب شخص من مليوني شخص)، والذي تسبب في توقف اللاعب عن ممارسة كرة القدم، بالإضافة إلى وجود تأخر في حالته الصحية.
ونعرض لكم من خلال التقرير التالي، ردود أفعال السوشيال ميديا على واقعة سحر مؤمن زكريا، لاعب الأهلي والزمالك السابق، خاصة مع البحث المتزايد من قبل الكثيرين لمتابعة الأراء التي علقت حول هذه الواقعة التي أثارت غضبا كبيرا بسبب حيثيات هذه الواقعة.
ردود أفعال السوشيال ميديا على واقعة سحر مؤمن زكريا
بعد انتشار واقعة سحر مؤمن زكريا، انتشرت الكثير من ردود الفعل الغاضبة حول التفاصيل التي ذكرها التربي حول وجود سحر للاعب الأهلي السابق، حيث جاءت بعض الردود المنتشرة كالتالي:
- وقال أحد الحسابات الموجودة على مواقع التواصل الاجتماعي:« لا حول ولا قوه الا بالله العلي العظيم، الخبر بتاع أنهم لقوا سحر في مقابر عليه صورة الكابتن مؤمن زكريا وطلاسم وكلمه مرض ده من ابشع الأخبار اللي ممكن تسمعها في حياتك ده لو حقيقي مش مجرد حد، بيعمل فيلم عشان اللقطة زي ما اتعودنا، السحر ده لو معمول له زمان وتسبب في اللي حصل له، اللي عمل كده بينام ازاى ؟؟؟، ولو معمول له بعد مرضه عاوزين منه ايه تاني !!! ، في الاخر كله بامر ومشيئة الله، أعوذ بالله من شر البشر،وما هم بضارين به من أحد الا بإذن الله».
- فيما قال آخر عن هذه الواقعة، « مُتخيلين إن مؤمن زكريا بيعاني بقاله سنين ومُستقبله الكروي إتـدمر وحياته اتشقلبت بسبب شخص حاقد ومؤذي عمله سِحر!!!، للأسف الخبر اتأكد من كذا جهة موثوق منها واللاعب راح المقابر بنفسه عشان يتأكد،، وشاف صورته إللي كانت مرمية هناك مكتوب عليها كلام من نوعية مـرض وتعب طلاسم غريبة.
- وقال ثالث: « من ٤ سنين تقريباً و فجاة من غير اي مقدمات مؤمن زكريا اتحول من انسان طبيعي جداً مش هقولك لاعب كرة قدم بالنادى الأهلى ومنتخب مصر ويجري و يتنطط لا انسان طبيعي اوي اتحول لشخص المرض نهش جسمه و ايه من غير مقدمات يعني مش بالوقت لا هو انتكس فجأة !!حصله مرض اسمه ضمور في خلايا المخ و دي بتخلي الانسان شبه عاجز شلل و حركة و كلام مبيقدرش ينطق و يفضل كده لحد ما ينتهى أجله، النهارده يُقال انه في احد المقابر لقوا سحر لمؤمن بالمرض و الانتكاس و الموت ومؤمن راح بنفسه زى ماواضح بالصور واتاكد و ناس كتير أكدت ده و حتي زوجة مؤمن قالت انه حقيقي، ليه!! ليه انسان يعمل كده فى انسان زيه مهما حصل ليه اشوف انسان بيموت كل يوم قدام عيني و اقدر انام على سريري ليه انسان ينتكس و حياته، وبيته يتدمروا و انا افضل طبيعي و عايش عادي!!، ليه في بني آدمين كده ليه البني ادم ده وحش اوي كده ليه اسوأ كائن حي على وجه الارض هو الانسان المؤذى !!».
- فيما علق رابع:« موضوع مؤمن زكريا كنت فاكره هزار في البداية وبوستات ريتش، لكن لما كلمت التربي وهو راجل فقير زيه زي غيره من اللي بينتهنوا المهنة دي وعندهم أسرار مش بتطلع لحد، لقيت إن روايته منطقية تمامًا وإنه بالفعل تواصل مع مؤمن ومؤمن مكدبش خبر وراحله وفي صور وفيديوهات على كل كلمة في الموضوع، لكن الغريب إنه من بين كل المقابر اللي في الدنيا الأعمال ده العثور عليها في مقابر عائلة (.......)، فخلينا نشوف ايه اللي هيحصل في القصة الغريبة دي.
واقعة سحر مؤمن زكريا
تصدرت واقعة سحر مؤمن زكريا المشهد عبر مواقع التواصل الاجتماعي، بعد حديث أحد حراس المقابر في محافظة القاهرة عن وجود سحر وطلاسم شيطانية باسم لاعب الأهلي والزمالك، حيث أشار إلى أن هذه الأعمال تصيب الإنسان بالمرض، وهو ما سببت ذعرا كبيرا للكثير من رواد مواقع التواصل الاجتماعي.
مرض مؤمن زكريا
أصيب مؤمن زكريا، لاعب النادي الأهلي والزمالك السابق، بمرض ضمور العضلات، وهو مرض نادر خطير يصيب شخص من كل مليوني شخص، حيث يؤثر على الإنسان سواء في الحركة أو الكلام، حيث تسبب هذا المرض في ابتعاد مؤمن زكريا عن كرة القدم في سن مبكر منذ يوليو 2019.
اقرأ المزيد:
