محمد الشرنوبى عن قرار حبس المنتجة سارة الطباخ: "الحق ظهر"
الإثنين 18/يناير/2021 - 09:21 م
نشر الفنان محمد الشرنوبي عبر بموقع التواصل الاجتماعى "انستجرام" قرار محكمة جنح الشيخ زايد، بحبس المنتجة سارة الطباخ غيابيًا سنتين مع الشغل وكفالة 2000 جنيه، لاتهامها بتبديد مبالغ مالية للمطرب بموجب توكيل رسمي، وخيانة الأمانة.
وعلق قائلاً: "الحمد لله الحق ظهر تم صدور حکم في الجنحة رقم 1626 لسنة 2020 جنح الشيخ زايد بحبس الممثله القانونية لشركة ادارة اعمالي السابقه سنتين لتبديد المبالغ المالية التي في زمتها بموجب التوكيل الرسمي وخيانة الأمانة، اظن الصورة وضحت انا كنت ساکت ومکانش نفسي الامور توصل لکده وکنت مقرر انني مش هتكلم تاني في الاعلام بس لقيت اصرار من الطرف الاخر انه يقحم الاعلام ويشوه صورتي قدام الناس
بس لو في حد واخد حق حد فا القانون و المحكمة قالت كلمتها.
وتابع: " الشرکه کان صادر ليها توكيل بموجب العقد اللي بيننا لادارة اعمالي وبالتالي كانت بتتعاقد وتستلم كل مستحقاتي اللي هو الطبيعي انها تستلم و تاخد نسبتها و توردلي الباقي وده مكانش بيحصل الممثلة القانونيه للشركة خانت الأمانة و بددت كل اموالي اللي في زمتها اخر صلح سلمت الشركة توكيل على اساس اننا هنفتح صفحة جديدة وتعهدت انها هتسددلي كل فلوسي اللي في زمتها و ده مثبت في محضر الصلح في غرفة صناعة السينما وبالفعل نفذت المسلسل و برضه مخدتش فلوسي".
واختتم حديثه قائلا :لكل شركات الانتاج برجاء عدم التعامل مع اي جهه او شخص غير من خلالي شخصيا و عدم الالتفات لاي تحذير او انذارات تصدر من الشركة لان ببساطة الهدف الوحيد هو تعطیل شغلي و تشويه صورتي و الحصول على مبالغ مادية بدون وجه حق.
وكانت سارة الطباخ قد اتهمت فى محضر حررته بقسم شرطة أكتوبر، خطيبها السابق محمد الشرنوبى، بسرقة "سكوتر" خاص بها، وهو ما نفاه الشرنوبى، مؤكدا أن هذا الكلام لا صحة له.
