عادل الفار باكياً: "محدش بيسأل عليا" (فيديو)

اشتكى الفنان عادل الفار، من تجاهل أصدقائه من الوسط الفني على مدار الشهور الماضية، موضحاً أنه يعاني حالياً من البطالة، وعدم المشاركة في الأعمال الفنية.

وقال الفنان عادل الفار في تصريحات تلفزيونية، "محدش بقى بيسأل عليا، قبل كده كنت مطلوب في كل الأعمال الفنية، حفلات ومسلسلات وأفلام، وكل الناس كانت بتتصل بيا علشان أشارك معاهم في أعمالهم، لكن دلوقتي محدش بيسأل ولا حد بيعرض عليا اشتغل معاه".

وأضاف ، "أكتر حد زعلان منه هو خالد عجاج، كنت بتصل بيه اطمن عليه لكنه مابيردشى عليا، دلوقتي أنا ما بتصلش بحد، علشان محدش مهتم بيا"، وتابع الفنان الذي دخل في نوبة بكاء، "لازم يبقى في ود وحب وتواصل، لازم نسأل على بعض ونطمن على بعض ولو حد عنده مشكلة نحلها"، يذكرأن آخر ظهور فني للفنان عادل الفار كان خلال مسلسل "الفتوة" في رمضان 2020.