خالد عيد: "الأهلى والزمالك كانوا بيفرحوا بالتعادل على ملعب المحلة"

كشف خالد عيد المدير الفني للفريق الأول لكرة القدم في نادي غزل المحلة، كواليس ما قاله للاعبين بين شوطى المباراة، التى أقيمت مساء أمس الثلاثاء، على ستاد غزل المحلة، ضمن منافسات الجولة الحادية عشر من عمر مسابقة الدوري المصري.

وقال في تصريحات لبرنامج "ساعة مع شوبير" عبر إذاعة أون سبورت إف إم: "قبل مواجهة الزمالك قلت للاعبين مش مشكلة لو خسرنا إحنا بنلاعب فرقة كبيرة، بس لازم يكون عندكم طموح المكسب، لأن زمان الأهلى والزمالك لما كان بيخرجوا من ملعب المحلة بنقطة التعادل كانوا بيفرحوا".

وأكمل خالد عيد: "بين شوطى المباراة قلت للاعبين إنتم جبناء مستنيين تخسروا علشان تلعبوا، وأجريت تغييرات هجومية واللاعيبة كانوا عند حسن الظن وظهروا بشكل مميز وكان عندهم اصرار للفوز وتحقق لهم".

وأضاف المدير الفني للمحلة: "شعرت أن لاعبى الزمالك عندهم تعالى زى ما تقول كده هايكسبوا فى أى وقت وقلت ده أحسن وقت نكسبهم فيه".

وأتم حديثه: "محمد سامى فايق وبيتكلم بشكل بسيط وتم نقله لطوارئ المنصورة ونتابع حالته باستمرار بعد إصابته بشرخ فى الجمجمة خلال المباراة".