ميدو: "اللى فرحانين بالتريقة على مروان محسن مش هيشوفوا خير فى حياتهم"
الأحد 14/فبراير/2021 - 12:42 ص
دافع أحمد حسام ميدو، نجم الزمالك الأسبق، عن مروان محسن مهاجم الفريق الكروى الأول بالنادى الأهلى ضد حملات التشويه التي يتعرض لها من بعض جماهير القلعة الحمراء بمختلف منصات السوشيال ميديا.\
وقال ميدو فى تصريحات تلفزيونية، "حملة التهكم علي مروان محسن تزعل، خصوصا لما يكون معظم المشاركين بتلك الأفعال من جمهور الأهلي، مروان لاعب محترم، عمره ما عمل مشكلة داخل النادي ولا عمره غلط في حد، فعلا هو غير موفق مع الأهلي، لكن ليه ندبحه؟".
وأضاف "مش مصدق حجم الغل والكراهية الموجود عند البعض في الهجوم ضد مروان محسن، اتقوا الله.. اللى بيتعمد إيذاء بني آدم وهو واقع مش هيشوف خير في حياته".
وتابع، "اللي فرحانين بالتريقة علي مروان محسن مش هيشوفوا خير في حياتهم، أعظم لاعبي العالم بيضيعوا ركلات جزاء، مروان مش أول ولا آخر لاعب يضيع، الموضوع مش كوميدي خالص، وحملات الهجوم الممنهجة لن تؤثر فقط عليه كلاعب، لكنها تؤثر عليه كإنسان".
