توك شو

فنان الوادى الجديد عادل محمود يروى قصة بداية العمل بهذه الحرفة

سيف الدين أدهم

الجمعة 19/فبراير/2021 - 01:20 م

روى النحات عادل محمود، قصة بدايته للعمل بهذه الحرفة، قائلا: «الموضوع بدأ معايا منذ الطفولة، كنت بنحت وبرسم، وحاولت أضيف لنفسي فاشتغلت منحوتات على الطين، تعبر عن الوادي الجديد، مسقط رأسي، في البداية كنت بشتغل حاجات لنفسي، لأن فيه نحاتين كتير، فانا عاوز أفيد البيئى اللي حواليا بحاجة جديدة».

وأضاف «محمود» خلال لقاء ببرنامج «صباح الخير يا مصر»، المذاع على عبر شاشات القناة الأولى، الفضائية المصرية، الذي يقدمه الإعلامي حسام حداد والإعلامية جومانا ماهر، «فوجدت أن لحاء النخيل مهدرة ولا يوجد لها أي دور في البيئة بتاعتي، كما أنها بتكون عائق بيئي لأنها بتتحرق فرأيت أنها من المقومات اللي ممكن تنهض بينا كمصريين، ووظفتها في العمل بتاعي كمنتج».

وتابع: «لقيت فيها مقومات ساعدتني على التعبير والإحساس والكسب من وراءها ماديا، وليها مميزات أنها خفيفة الوزن وصلبة، ومش هدفع فيها فلوس لأنها خامة موجودة عندي، مش أي حاجة نستهون بيها، وممكن نوظفها توظيف صح بأي شكل، كديكور منزلي وعارفين مصدرها».

وواصل: «أصعب حاجة إني في قرية محدودة، والمفهوم كان بعيد عنها، ولكن مدام قدامك هدف فلازم تسعى وراه، متفكرش في أي حاجة سلبية، لأن كدة هيرجعك لورا، فيه ناس في البداية كانت بتقولي هتستفيد إيه؟، ومفيهوش أي تسويق، بس قولت هطلع اللي جوايا».