"خيطها من غير بنج علشان تتربي ".. طبيب يتسبب في موجة غضب على السوشيال ميديا (التفاصيل)

تداول رواد مواقع التواصل الاجتماعي، أنباء عن طبيب يدعي احمد.ع ، كتب علي صفحته الخاصة على موقع التواصل الاجتماعي "تويتر"، "جايلي في الاستقبال واحدة كدة متعورة بسبب البوتجاز فتح صابعها من عند العقلة ومجرجرة جوزها وراها عشان تتخيط وجوزها يقولي واللة م مستاهلة خياطة بس هي صممت تيجي المستشفي وعايزة تشوفها ..انا شفت الجرح لقيتة خربوش ومش مستاهل فقلتلها لا عاوزين خياطة هناخد 3 غرز وعملتة من غير بنج عشان تتربي" .

نالت هذة التدوينة غضب رواد موقع التواصل الاجتماعي مطالبين بمحاسبة الطبيب، كما أنه طبيب امتياز لا يملك رخصة لمزاولة المهنة بداية من أنه أخذ اجراء طبي غير ضرورى وهو "الغرز" بالإضافة الي عدم استخدامة "مخدر".

وحكى طبيب، زميل له الواقعة تحت اسم ، "حق الرد بالرواية الحقيقيه لما حدث في استقبال المستشفي وتوضيح حقيقة التويته المنتشرة"، قائلا: "مساء الخير د. هاني، مع حضرتك طبيب امتياز أحمد العدوي حضرتك انا لقيت الدنيا كبرت والله ومعترف اني غلطان بس غلطان ف سياقه وكتابه التويتة".

وتابع: "اللي حصل كله ان واحده جايه تتخيط ف صابعها غرزتين والله بالعدد وقالتلي انا جايه عشان اشوف المستشفي واتخيط قلتلها والله مفيش حاجه مستهله متقلقيش وجوزها جاي معاها فانا قلتلتله متقلقش هي مجرجراك ولا ايه وبضحك وهم بيضحكوا".

وأضاف : "فقلتلها عشان مش ناخد ٤ شكات شكتين للبنج وشكتين للغرز فناخد شكتين وخلاص للغرز واهه عشان تتربي شويه ومش تجيبي جوزك وبضحك وهم بيضحكوا قالتلي طيب اصل انا بدوخ من البنج ومن ريحته....وبهون عليهم الوضع والله العظيم ده اللي حصل ومعايا شهود بكده زمايلي".