أسما شريف منير تخسر وزنها الزائد فى 3 شهور تعرفوا على السبب

شاركت الإعلامية أسما شريف نجلة الفنان شريف منير ، بصورة جديدة لها بعد خسارة وزنها الزائد، عبر حسابها الشخصي على موقع التواصل الاجتماعي " إنستجرام" لتبادل الصور والفيديوهات .

وعلقت الإعلامية أسما شريف قائلة :" الصورة اللي علي اليمين اتصورتها امبارح يوم اكتوبر ٢٠٢٠ و مفيهاش Edit لجسمي خااااااالص ظبط بس الوان الصوره عشان تبان اما الصورة التانية اللي علي الشمال دي صورة واحده تعبانه، كسلانة و معندهاش إرادة و حركتها تقيله (كان عندكم حق تقولولي انتي حامل؟) و دي كانت من ٣ شهور بس تخيلوا، وقفت وقفة مع نفسي و قلت لأ مش هينفع الحياة دي خالص و المرة دي لازم تكون مختلفة، قررت اني مفيش حاجة اسمها دايت اصلاً و لا هينفع اتخن كده تاني" .

وتابعت قائلة : "‎دايت ده كلام فارغ هو اسلوب حياه و نظام.. هو مش أكل معين هو إني أكل و انا جعانه، بس بقي هاكل ايه؟ و قد إيه؟ و امتي؟ و أنام ازاي؟ و اتغلب علي الضغط النفسي ازاي؟! ، ايه التحاليل اللي أعملها؟ و ايه العناصر اللي لازم أكلها؟ و ايه مصادرها؟ و اطبخها ازاي؟ و تطلع حلوة مش مسلوق و اكل مستشفيات،‎المرة دي روحت ل دكتور شيري نبيل لاني بجد بعشقها و بثق فيها و احلي حاجه فيها صبرها عليا و متابعتها و دعمها ليا المستمر و قلتلها المرة دي بجد مع اني بقول كده كل مرة بس هي المرة دي فعلاً صدقت اني بتكلم بجد و فعلاً عملت البرنامج مع بلوم" .

وأضافت :" مش بس اتفصل عليا ، لأ ده غيرلي عاداتي و إختياراتي و نظرتي و تعاملي مع الStress اللي في حياتي و بجد المرة دي هكمل ان شاء الله و مش هرجع تاني أبداً و عشان كدة أنا مكمله في التحدي و قلت اني لازم اساعد كل ست حست احساسي ده و اشجعكم و اكمل رحلتي معاكم هنقلكوا كل تفصيلة و كل تغير بعمله مش بس في الخسسان حتي شعري و بشرتي و كل روتيني من علي ال Youtube Channel ".