لميس الحديدى: وزارة النقل أنفقت 300 مليون لتطوير محطة مصر
الثلاثاء 04/مايو/2021 - 12:05 ص
إنتقدت الإعلامية لميس الحديدي، أداء بعض المحليات ممثلة في الأحياء وإداراتها قائلة: "بعض الأحياء شغالة كويس جداً، في الرقابة وتطبيق الاجراءات الاحترازية، والبعض منها مش شايف شغله وإحنا عايشين في مصر وشايفين ده، ومش معقول مجلس الوزراء هيشدد عليهم تنفيذ الاجراءات كل يومين يقلهم نفذوا الاجراءات".
وعرضت الاعلامية خلال برنامجها، مقطعاً لسوق شعبي ملاصق لمحطة مصر بالاسكندرية، والذي أظهر تكدساً للتكاتك والباعة الجائلين، قائلة: "الحقيقة محطة مصر بتشهد تطويراً كبيراً جداً في الميدان نفسه، والمحطة نفسها شهدت عملية تطوير بقيمة 300 مليون جنيه، من قبل وزارة النقل والناس كلها شايفة ده في المحطة نفسها والميدان".
أكملت الحديدي، عبر برنامجها "كلمة أخيرة" المذاع على شاشة "إكسترا نيوز" خلال شهر رمضان قائلة : " منذ بداية الأعياد وإحنا ملاحظين فيه حملات مكبرة وإهتمام وإستنفار من قبل المحليات أو الاسكان وياريت الاستنفار يستمر مش كل شوية مجلس الوزراء يشدد عليهم تطبيق الاجراءات فيه احياء كتيرة مش شايفة شغلها".
وأضافت الحديدي: " لكن في المقابل فيه بعض الاحياء بتشهد تراخي في بعض الأوقات ويطلعوا بس حملات وقت تشديد مجلس الوزراء وبعدين يرجعوا تاني في حالة إسترخاء، رغم إستمرار تصاعد الاصابات بالفيروس".
