شادى شامل وتامر حسين أحدث خناقات الوسط الفنى بسبب " يا معود قلبى"
الأحد 23/مايو/2021 - 02:55 ص
هاجم المطرب شادى شامل ، الشاعر تامر حسين ، بسبب أغنية يا معود قلبى ، حيث اتهم شادى شامل ، الشاعر تامر حسين بحذف الأغنية.
وقال شادى شامل عبر صفحته على موقع التواصل الاجتماعى " فيس بوك" انا مصدوم و اتخدعت خدعه عمري في الشاعر تامر حسين بجد يا..خساره و كنت بعمله اكتر من اخويا و بعمله بالحسني و طعني في ضهري ازاي في ناس ليهم طريقه في اقناع الناس بعكس الحقيقه
انا ساكت بقالي سنتين علي اهانه تامر حسين ليا و لاهلي".
وتابع" تامر شال اغنيتي يا معود قلبي امبارح من اليوتيوب معرفش عمل كده ازااااااي !!!!! بعد ما كانت داخله علي نص مليون view في اقل من ٢٤ ساعه.. تامر بيدعي اني ما دتوش فلوس الاغنيه مع انه عاملي تنازل من سنتين علي الاغنية في المصنفات الفنيه ومختوم بختم الجمهورية و واخد اجره المادي الكامل باعتراف منه و معترف بذلك في التنازل و قالي بعد ما عمل التنازل الاغنيه ملكك ا شادي انت تعبت و تستاهل".
وقال شامل " كان بيجيلي الاستوديو و يشهد علي ذلك الموزع مهاب سامي وتامر كان في الاستوديو بيوجهني مع اني ملحن الاغنيه بس ما حبتش اكسفه.. و رفع عليا قضيه في المحكمه الاقتصادية بعد سنتين من التنازل و يطلب من المحكمه بالغاء التنازل و المحكمه ادته حكم بعدم الاختصاص و هذا هو قضاء مصر المحترم و لم يصدر حكم رسمي بعدم نزول الاغنيه و وقف الاغنيةة.
وقال" تامر ضرب قانون مصر بعرض الحائط
تامر بيقول حقوق الملكيه معاه ..ياريت الاستاذ تامر يطلعها و نشوفها !!!!!.. تامر كل شويه بيظلم في حد ....وكسر بخاطري ليه بقي تامر عمل كده معايا مع انه عاملي التنازل لسببين .. رفضي تلات مرات اعطائها لمطرب كبير مع ان المطرب الكبير تفهم موقفي و كان في منتهي الذوق و الاحترام و الادب معايا و تربطنا علاقه اخوه و صداقة محترمه و بحبه جدااا و هو عارف كده .. تامر كان عايز يجامله علي حسابي و حساب تعبي و شقايا بمعرفه موسيقيين كبار فالوسط الفني.. وانا و الله العظيم كل كلمه عندي بالدليل".
واستطرد" لما صورت الاغنيةو صرفت عليها جامد طلب مني فلوس زياده و الالف الدولارات و طلب مني مشاركته في ارباح اليوتيب و كان هذا الطلب غرييييب جداااا بالنسبة لي مع اني الملحن و المطرب .. ده غير طبعا السب والقذف والافتراء و شتم اهلي وأُمي بأدنى وافظع الشتايم علي موبايلي و اتهمني في شرفي لمده سنتين و مردتش عليه باي لفظ وبالدليل والمسجات عندي كتابيه و صوتيه ..و عندي دلائل صوتيه و كتابيه و ورقيه .. مش عشان تامر عنده وسايط ومحسوبيات أتأذي انا في شغلي ومستقلبلي وشقايا".. و في ناس تعبت في الاغنية زي الموزع مهاب سامي و زي مهندس الصوت الأستاذ محمد صقر و العازفين اللي سافرت بره و سجلت عازفهم و الاستاذ اسلام طارق اللي سهر لمده شهر يعمل edit للكليب
و انا اللي سافرت كوبا و زينزبار و صرفت دم قلبي علي الكليب عشان يطلع بالكواليتي المحترم ده".
وقال " السؤال الذي يطرح نفسه ( اتقفلت ازاي من اليوتيوب ؟؟؟؟؟)وهو معندهوش حكم قانوني من المحكمه ولا حكم محكمه بالغاء التنازل .. بيدعي انه ما اخدش فلوسه بالرغم من انه واخد حقه وطلب المزيد المبالغ فيه وكان ردي اتقي الله فيا انا استنفذت ماديا وكان رد تامر يبقى تديني الاغنيه باللحن بتاعك وهابيعهالك للمطرب الكبير بملغ كبير.. ودي كانت المساومة و عندي رسايله الكتابيه و الصوتيه بذلك عاوز اوصلكم حاجه مهمه .. الفكره مش فكره فلوس كبيره تتعرض عليا الفكره اني ابيع فني وشقايا لان الاغنيه دي بالذات بمثابه جنين انا كبرته وتعبت فيه ..هو عمال بيشهر بيا في كل مكان".
وتابع" انا هاخد حقي بالقانون و انا واثق في قضاء مصر المحترم زي ما جبلي حقي اول مره
هيجبلي حقي تاني انه عمل اجراء غير قانوني بمنع اغنيتي من اليوتيوب".
