روميو وجوليت .. أحمد فلوكس وزوجته الأولي "ربيا" على السوشيال ميديا

شارك الفنان أحمد فلوكس جمهوره ومتابعيه ، بصورة برفقة زوجته الأولي "ربيا " ووالدة أبنه الوحيد سيف بعد عودتهما مرة أخري عقب انفصال لعدة سنوات، عبر حسابه الشخصي على موقع التواصل الاجتماعي " فيس بوك" لتبادل الصور والفيديوهات .

وعلق فلوكس قائلاً :" كلما رايت نفسي و حياتي بعد رجوعي ليكي ادركت اني كنت بلا حياه وانا بعيد عنك ، ان كنت رجعتي اللي موطنك فانا رجعت لنفسي بيكي ، ربنا يخليكي ليا و يحفظك انت سيف ... بحبك و بحب حياتي وانت فيها" .

وردت رابيا عبر حسابها الرسمي على موقع التواصل الاجتماعي "فيس بوك" بروماسية قائلة :" انت الكينونه والانتماء انت الحاله اللي ما اديتش فرصه اني أعيشها مع حد انت اللي استوليت علي قلبي بكل تفاصيل بدايتنا مع بعض وقصة حبنا واللي كملت حتى بعد الانفصال وادت أحلى مثال لاتنين انفصلوا لأي سبب من الأسباب ، وأكيد الكل كان بيسأل يا ترى ازاي استحملت وهو بيتجوز قدامها ...؟ ويلبس من بيتها يوم كتب كتابه وتتعامل برحابة صدر مع القصه كلها ماهو ده الحب لما تجردي كل فكره لوحدها ده حبيبي بس مش قادره اكون معاه لأي سبب وعايزه مبسوط" .

وتابعت :"بس ده ابو ابني اللي بتمناله الخير ده صديقي اللي في اسرار كثير بينا، ده اللي ضهرنا مكشوف لبعض، ده الانسان البعيد عن اي علاقه من دول الجدع اللي اي حد ممكن يلجأله في اي حاله ومايردوووش ابدا وده بشهادة الجميع ، ده اللي اتمنيتله الخير في كل لحظه في حياته وهو بعيد وهو قريب ، ده اللي أكرمني (كل الكرم) في بلده وانا مش على ذمته ، ده اللي لما رجعتله عرفت اني ماقدرش اعيش غير معاه ومع ابني لأن سيف كان مديني تكملة القصه في بعده، اللي هي يالكيان ده اللي بنيته في اول جوازنا يا بلاش " .

وأختتمت كلامها قائلة :" كل ست في حياتها مابتتمناش تعيش تجارب كثير اللا الحالات الشاذه ... الست بتآمن بشخص حبته وبتديه من قلبها وتعمل كيان واسره من الحلم ده ، انت الحياه والقصه اللي عشتها وصدقتها وانتميت اليها انت الانتماء والحاله الخاصه جدا كرجل يحب بصدق ويحتوي ويحترم المحترم يا أصيل... Ahmed Falawksربنا يحفظك لينا ويبعد عننا كل شر ويعوضنا ببعض عن كل الاختبارات في البعد" .

ويرد فلوكس قائلاً :" مش لاقي كلمه اقولها او اكتبها غير اني اقولك قدام الدنيا اني بحبك " .