السيسى لأهل الريف: "لو متعاونتوش معانا وساعدتونا في تنفيذ التطوير.. هتخلونا نعاني"
الأربعاء 30/يونيو/2021 - 10:56 ص
وجه الرئيس عبدالفتاح السيسى، اليوم الأربعاء، رسالة إلى أهالى قرى المبادرة الرئاسية حياة كريمة: "أتمنى تساعدونا ونعمل شغل فى القرية استحملونا وكل ما تساعدونا هنقدر نخلص المشروع بسرعة، وفكرة إن البيت ميبقاش دور ويبقى دورين وتلاتة ده أمر مهم أوى".
وأضاف، "لو متعاونتوش معانا وساعدتونا في تنفيذ التطوير.. هتخلونا نعاني، عندنا 150 ألف بيت فى المرحلة الأولى، يعنى بنتكلم فى نصف مليون بيت، وبقول إن أصحابهم محتاجين إننا نعملهم الحكاية دى، ماشى هنعمل، طب أهل القرية ميساعدوش معانا؟! منظمات المجتمع المدنى ميساعدوش معانا؟! طب كل من عاوز يساعد فى حياة كريمة ميساعدش معانا؟! إنتو كنتو بتشوفوا بيت معمول جدار أبيض وعليه فروع شجر، أنا مش هعمله كده".
وجاء ذلك خلال تفقد الرئيس عبد الفتاح السيسي، صباح الأربعاء، المعدات والمركبات والآلات الهندسية لجهات الدولة المختلفة المشاركة في مبادرة حياة كريمة لتطوير قرى الريف المصري.
وأعلن الرئيس عبد الفتاح السيسي أن الدولة ستتحمل تكلفة علاج مرض الضمور العضلي للأطفال حديثي الولادة والتي تبلغ 3 ملايين دولار لكل طفل، مضيفاً، "ممكن يبقا فيه علاج والدولة تتحمل ده، وبطالب كل من له قلب ومنظمات المجتمع المدني، عملنا اتفاق والأمور ماشية والأطفال اللى ممكن يتم علاجهم، لكن الأفضل العلاج حتى سنة من ميلاد الطفل لأن بعد كده الأمور بتتصعب، اختبار وفحص ما بعد الولادة زى ما عملنا في السمع والقوقعة للحصول على أفضل نتيجة".
وطالب الرئيس السيسي ، منظمات المجتمع المدني بالمشاركة والمساهمة في هذا المشروع من خلال صندوق حياة كريمة ، لافتا إلى أن تكلفة علاج الطفل الواحد تبلغ 3 ملايين دولار وإذا تم علاج عشرة أطفال ستكون التكلفة 450 مليون جنيه مصري.
