بعد تصدرها التريند.. طالبة "روب الفلوس" بسوهاج:"أنا مش فلاحة ومش مسامحه أي حد اذاني" (خاص)
اشتعلت مواقع التواصل الاجتماعي خلال الساعات الماضية، بفيديو تظهر فيه طالبة من قسم كلية الآداب بجامعة سوهاج، وهي ترقص في حفل تخرجها ويهديها والدها روب وكاب من فئة "مائتي"، مما تسبب في غضب المتابعين.
بعد تصدرها التريند.. طالبة "روب الفلوس" بسوهاج:"أنا مش فلاحة ومش مسامحه أي حد اذاني" (خاص)
وأوضحت "نورا عادل" صاحبة الفيديو في تصريح خاص لـ "مصر تايمز" أنها لم تكن تتوقع انتشار الفيديو بهذا الشكل، وأنها احتفلت مع أسرتها مثل اي طالب ولكن فوجئت بانتشار الفيديو وتعليقات سلبية من المتابعين وصلت حد الإساءة لوالدها، قائلة "متوقعتش الانتشار يكون كدا ومش مسامحه اي حد اذاني".
ونشرت طالبة فيديو الروب على صفحتها الشخصية على موقع الفيسبوك منشور قالت فيه: "انا مش عارفه ابدا منين وازاي بس بجد مكنتش متخيله اللي بيحصل دا انا حد عادي خالص كنت فرحانه واهلي زيي فرحانين بيا مش اكتر ولا احداث نعمه ولا فشخره ولا انا هدفي كسر قلوب الغلابة واللي مش قادرين ولا انا ابويا مش كويس زى ما قولتوا ولا انا فلاحه برضو ولا انا اي حاجه خالص من اللى اتقال كل الفكره ان ابويا مبسوط بيا بعد ١٦ سنه تعليم ودي طريقته اللي حب يعبر بيها عن فرحته".
وتابعت "نورا" أنها تعمل مع والدها منذ الصف الثالث الابتدائي وحصلت على تقدير عالي في مشروع التخرج، مضيفة "واللي خلي بابا يفرح اكتر اني جبت تقدير عالي في مشروع تخرجي وانا الوحيده اللي قدرت اناقش مع الدكاتره واخلي مشروعي حاجه الكل يتكلم عنها ف فخوره بنفسي وفخوره ب ابويا جدا لأنه نور عيني".
وعن تعليقات مستخدمي مواقع التواصل الاجتماعي، تستكمل الطالبة "مش مسامحه اي حد جاب سيرتنا بالوحش حسبي الله ونعم الوكيل بجد ف اي حد اذاني نفسيا وهفرح أركز في مستقبلي ولا هيهمني اي حاجه باذن الله وانا لا حابه اكون ترند ولا اي حاجه من الكلام دا، اخر حاجه احب اقولها بلاش تدخلوا في حياة الناس.
