"السر عند أم محمد".. كواليس الخلاف بين صبحي كابر والمالك الجديد للمطعم (خاص)

قال المالك الجديد لمطعم صبحي كابر والشريك في صفقة بيع مطعم صبحي كابر: "الحاج صبحي كابر في شهر أكتوبر 2023 قالي أنا تعبت ومفيش حد يقف جنبي وأولادي صغيرين وتعبت وعايز أستريح شوية؛ وأنا بعض المطعم للبيع بس مش عايز اسمي يتشال عشان أنا بعمل فيه من 30 سنة". 

عرضت عليه فلوس ورفض وقالي مش عايز فلوس

وأضاف خلال لقاء حصري وخاص مع مصر تايمز: "عرضت عليه فلوس ورفض وقالي مش عايز فلوس.. أنا بقالي 30 سنة واقف في الشارع.. وقالي خد اشتري المطعم وأنا هفضل معاكم للأبد.. وكل أسبوع هكون عندك زيارة". 

850 موظف في المطعم

وأوضح: "البيع والشراء كله تم توثيقه رسميًا من قبل محامين الطرفين.. مؤكدًا أن كل صبحي كابر ترك 850 موظف في المطعم وأغلبهم من أقاربه وحتى الآن يوجد 850 فرد ولم يتم استبعاد أحد من العمل؛ ولا يزال الحاج صبحي كابر هو مرود اللحمة للمطعم.. " ابن أخوه شغال معانا في المطعم". 

وتابع: من أسبوع خرج الحاج صبحي قائلًا: ناس نصبت عليا في صفقة ذرة متسائلًا: أنا إيه ذنبي ان حد نصب على صبحي كابر.. مؤكدًا أن صبحي كابر تسلم واستلم عدًا ونقدًا كل مستحقاته المالية وأمام شهود. 

وأوضح أن بعد البيع تغير كلام الحاج صبحي؛ وسحب الخط الساخن الخاص بالمطعم رغم أنه تم البيع والشراء وأمتلك عقدًا مسجلًا بالعمالة التجارية وعمرها 25 سنة.. قائلًا: ياحاج صبحي لو عايز المطعم تعالى خده هات الفلوس وتعالى خده ومتشردش العمال 850 فرد. 

 سر الخلاف بين المالك الجديد وصبحي كابر

وعن سر الخلاف بين المالك الجديد وصبحي كابر قائلًا: "عايز يشغل واحدة قريبته غصب عني.. والمطعم كله مبيحبهاش".. متسائلًا: حد فيكم بيحب أم محمد؟! مؤكدًا أنه عرض المطعم على صبحي كابر مرة أخرى وبحضور وسطاع لإعادة المطعم مرة أخرى لصبحي كابر ولكنه رفض. 

وقال أحد العاملين بمطعم صبحي كابر لـ "مصر تايمز" إن صبحي كابر علاقته جيده مع الملاك الجدد واستمرت لمده 11 شهرًا حتى ظهرت أم محمد خالة زوجة الحاج صبحي.