"سرقة علني".. سيدة تتهم بنك التجاري وفا بسرقتها علناً
اتهمت سيدة بنك التجاري وفا بسرقة أموالها ، بعد أن وجدت حسابها فارغ بالرغم من إيداعها مبلغ 10 آلاف جنيه فى حسابها عند فتح حساب بالبنك.
وقالت السيدة فى شكوتها عن بنك التجاري وفا ،" اسواء بنك اتعامل معاه في حياتي هو بنك التجاري وفا ومنصحش اي شخص انه يفتح معاهم حساب حظي السيء اني فتحت معاهم حساب يوم 1 مارس وطلبو احط مبلغ معين في الحساب 10 الالاف جنيه ومسحبهومش لمده شهر وبعدها اقدر اسحبه برحتي واتعامل عليه وقلت اوك موافقه وفتحت الحساب في فرع مول العرب مع بنت هناك اسمها آيه و قالت لي هانطلعلك كارتين الأول كارت السحب المباشر من رصيد الحساب والتاني فيزا كارت ومضيت علي ورق كتير مع التأكيد اني اقدر اسحب فلوسي واتعامل عليها من يوم ١ أبريل وعدا الشهر واستلمت الكروت ومفعلتهاش وحصل لي ظرف وروحت اسحب من فلوسي الي في حسابي في بنك التجاري وفا يوم 2 أبريل اتفاجأ ان رصيدي فيه 23 جنيه ؟؟؟؟!!!!!! ايه ده ازاي كده فين ال 10 الالاف بتوعي قالولي الفلوس كلها حطيناها وديعه علي حساب كارت الفيزا تقدري تسحبيهم مشتريات".
وتابعت عن بنك التجاري وفا ،" قلتلهم ليه بتحطوها وديعه من غير ما تعرفوني أو تستاذنوني دي فلوسي ونا عاوزاها كاش قالولي مدام طلع ليكي كارت فيزا يبقي الفلوس بتتحول وديعه وتعملي بيها مشتريات الفيزاطيب الاستاذه ايه الي فتحت لي الحساب في فرع مول العرب مقالتش لي كده ليه انا وجوزي وحنا بنفتح الحساب بالعكس أكدت عليا اني هقدر اسحب فلوسي يوم ١ أبريل...طييب عاوزة اسحبهم بكارت الفيزا قالو لا مينفعش تسحبيهم لو سحبتيهم هانخصم عليكي فايده كبيره جدا لازم تعمليهم مشتريات علشان تكون الفايده اقل ؟؟؟؟؟!!!حضرتك ازاي تعمل عليا فايده علي فلوسي لما اسحبها ؟؟؟؟!!!!!! انت بتعمل عليا فوايد علي فلوسي دي فلوسي حضرتك ازاي كده ؟؟؟؟!!!!!!!!قالولي هو ده نظام البنك ".
وتابعت عن بنك التجاري وفا ،" بنك حرامي بيسرقنا ويحبس فلوسنا ولما تسحبها يعمل عليك فايده الي هو دي فلوسك وهاناخد عليها فوايد بردو عادي جدا سرقه ونصب علني طلبت إلغاء الكروت وكسر الوديعه الي الهانم آيه عملتها علي فلوسي بدون إذن مني بمنتهي الخداع والمكر كل يوم يقولو لي اصل الوديعه لسه متكسرتش اصل احنا خاطبنا الفرع الرئيسي وبنحاول قابلت مدير فرع مول العرب وشرحت له كل الي حصل وانه تم خداعي من الموظفه الي عنده وأنهم لازم يقولو لي ان فلوسي هاتتحط وديعه علي كارت الفيزا ووقتها ليا الاختيار بين قبول الأمر أو رفضه وانه لو كنت اعرف انهم هايعملو فلوسي وديعه بدون علمي علشان كارت الفيزا مكنتش وافقت انه يطلع اصلا وكنت رفضته وان استاذه آيه كذبت عليا ودارت معلومات عني وقت فتح الحساب الاستاذه خدعت وكذبت علشان يتحسب لها كارت فيزا زياده في الشهر ده اسمه سرقه ممهنجه علني ..بنك التجاري وفا حابسين فلوسي ولما طلبت اسحبها عاوزين ياخدو عليها فايده ؟؟؟ ايه السرقه العلني دي".
