الحنفية بتنزل رمل والكومباوند سويقة.. سيدة تحذر من شراء وحدات سكنية بمعمار المرشدى
عرضت سيدة تدعى "دينا محمد" مشكلة تابعة لها مع أبراج شركة معمار المرشدى وعدم اهتمامها بالخدمات التى تقدم لعملائها .
وقالت صاحبة الشكوى مستعرضاها عبر مواقع التواصل الاجتماعى ،" شركة معمار المرشدي نصيحة محدش يتعامل معاهم اشتريت شقة في جراند سيتي المعادي المفروض انه كومباوند والحقيقة انه سويقة الكلام اللي في العقد غير الواقع عادي جدا انك تلاقي نفسك ساكن في برج تحته مياة جوفية".
وتابعت صاحبة المشكلة مع معمار المرشدى ،" عادي جدا تتعايش مع الرمل في المياة يعني تستحمي مياة بالرمل الاصفر صافي ومهما اشتكيت محدش بيرد ولا حد بيهتم مهما ركبت فلاتر مش بتعمل حاجة خلاطات تبوظ غسالات تبوظ وطبعا لازم تتعاقد مع سباك علشان يجيلك البيت مرتين في الاسبوع حتي يسللك الخلاطات من الرمل ".
وأعادت السيدة تحديث مشكلتها مع شركة معمار المرشدى قائلة " يا جماعة بس تحديث بما يخص مشكلة الرمل في المياة اللي في جراند سيتي معمار المرشدي ابراج C الحقيقة انهم اتواصلو معايا ووعدوني بحل المشكلة وراحوا البرج وعاينوا المكان وقالو هيركبو فلاتر ومن وقتها مفيش اي تحديث ولا حد بيرد علي رسايلي تقريبا المشكلة مالهاش حل او اكبر من تركيب فلاتر ومحدش بيرد علشان مطلوب اننا نتعايش مع الرمل عادي جدا تسافر وتتغرب وتشقي وتتعب وتنزل تشتري بيت زي اي حد ويطلعلك مقلب بس أنا المفروض اني اشتريت من شركة كبيرة لكن للأسف مفيش ضمير حسبنا ﷲ ونعم الوكيل".
